IQ өндөртэй хүмүүст нийтлэг илэрдэг 11 шинж

0
1820

Английн алдарт зохиолч Уильям Шекспир “тэнэг хүн өөрийгөө ухаантай гэж боддог бол, ухаантай хүн өөрийгөө тэнэг гэдгийг мэддэг” гэж хэлсэн байдаг. Энэхүү алдарт ишлэл нь одоо ч хүн төрөлхтөнд хүчин төгөлдөр үйлчилсээр байгаа билээ. Тухайлбал ухаалаг хүмүүс төдийлөн олны хараанд өртөхгүй байхыг хичээдэг бол мунхаг нэгэн өөрийнхөө ухааныг олонд гайхуулахыг оролддог. Ингээд та бүхэнд IQ өндөртэй хүмүүст нийтлэг илэрдэг шинж тэмдгүүдийг танилцуулж байна.

1. Нохойноос илүү мууранд хайртай 

Нохойноос илүү мууранд хайртай хүмүүс IQ-ийн холбогдолтой тестийг илүү амжилттай бөглөдөг байна. Судалгаанаас харахад мууранд хайртай хүмүүс илүү эмзэг мэдрэмтгий байдаг бол нохойнд хайртай хүмүүс илүү хөгжилтэй, нийтэч байдаг гэнэ. Тиймээс нохой салхилуулахын оронд гэртээ муур тэжээж, ном уншсан нь таны хувьд хамаагүй дээр санагдана.

2. Хүнтэй гар барихдаа чанга барьдаг

Хэрвээ таны гар атгалтыг сул гэж хэлэхгүй бол гайхалтай мэдээг танд хүргэе. Шинжлэх ухааны судалгаанаас харахад IQ-ийн түвшин өндөртэй хүмүүс гар барихдаа илүү чанга атгадаг болох нь тогтоогджээ. Энэ нь тархины үйл ажиллагаа болон булчин хоёр хоорондоо салшгүй холбоотой болохыг илэрхийлнэ.

3. Орлого сайтай байдаг

Бага зүйлд сэтгэл хангалуун байдаг хүмүүс IQ-ийн түвшнээ 13-аар алддаг болохыг судалгаагаар батласан байна. Хэрвээ та удаан хугацааны туршид тогтмол хэмнэлтийн байдалтай, хангалуун бус амьдарч байвал энэ нь оюун ухаанд сөргөөр нөлөөлдөг аж.

4. Тусламж гуйхаас айдаггүй

Хэдийгээр бүх зүйлийг өөрөө хийх нь давуу талтай ч ухаалаг хүн бүх зүйлийг хийж чадахгүй гэдгээ хүлээн зөвшөөрдөг. Тиймээс хэрвээ таны хувьд бардам зангийн асуудал байхгүй бол чухал гэж бодсон хүнээсээ тусламж гуйх хэрэгтэй. Ухаалаг хүмүүс бусдын бодлыг эргэцүүлэн бодож, өөрт ашигтай байдлаар, өөрийгөө хөгжүүлэх боломж болгож чадна. Тэд хэн нэгнээс тусламж гуйхгүй бол түүний өмнөөс хэн ч юу ч хийхгүй гэдгийг мэднэ.

5. Мартамхай байдаг

Хэрвээ та тогтмол аккаунтынхаа нууц үгийг мартах, гэртээ утсаа үлдээх, хог хаясан эсэх гэх мэтээ мартаж байвал таны IQ түвшин дундаас дээгүүр гэсэн үг. Эрдэмтдийн хийсэн судалгаанаас харахад их хэмжээний мэдээлэл хадгалдаг хүн, шийдвэр гаргахдаа тааруухан байдаг гэнэ. Тиймээс тархи нь хэрэггүй зүйлийг мартуулж, шаардлагатай зүйлд анхаарал хандуулахад чиглэгдсэн байдаг аж.

6. Утгагүй сонин кино үздэг

Хэрвээ утгагүй кино таныг тархийг амраахад туслаж байвал энэ нь таныг гайхалтай ухаалаг болохыг илэрхийлнэ. Учир нь ухаалаг хүмүүс тухайн утгагүй зүйлийн утгыг олж, тархиа ажиллуулах дуртай байдаг. Аливааг шүүмжлэх чадвар нь IQ өндөртэй хүмүүст элбэг тохиолдоно.

7. Хүн шоглох дуртай байдаг

Хэрвээ та ойр дотны хүмүүс, найз нөхдөө шоглох дуртай бол та маш ховор оюун ухааны чадвартай юм. Шооч хүн нь тухайн хүний сэтгэл санааны байдалд гайхалтайгаар тохируулж, түүнийг шоглох эсвэл сэтгэл санааг нь дээшлүүлэх онцгой чадвартай байдаг аж.

8. Ижил бус зүйлээс ижилхэн зүйлийг төвөггүй олж хардаг

Хоорондоо ижил бус зүйлээс ижил зүйлийг олж илрүүлэх гэдэг нь гайхалтай чадвар юм. Та стандарт бус сэтгэлгээ сайтай бол та бодож байгаагаасаа илүү их ухаантай юм.

9. Дотно харилцаанд хожуу ордог

Хойд Каролинагийн Их Сургуулийнхан өсвөр насны болон ахлах сургуулийн хүүхдүүдийг хамарсан нэгэн судалгааг зохион байгуулсан байна. Их Сургуульд орох хүртлээ бэлгийн харилцаанд орохгүй гэж бодож байсан хүүхдүүд IQ-ийн түвшин илүү өндөртэй байсан гэнэ. Үүнээс гадна тэд үнсэлт болон романтик харилцаанаас татгалзахаар шийджээ.

10. Чөлөөт цагаараа унтах дуртай

Чөлөөт цагаараа, өдрийн цагаар хэзээ ч хамаагүй унтаж чаддаг байх нь таныг бусдаас ухаалаг болохыг илэрхийлнэ. Судалгаанаас харахад өдрийн цагаар бага ч болов унтах нь тархинд сайнаар нөлөөлдөг болохыг тогтоожээ. Зүүний орнуудын оршин суугчид үүнийг дээд билэг ухаанд ойртох хамгийн төгс арга гэж үздэг байна.

11. Аз жаргалыг мэдэрдэг

Хүн хэдий чинээ ухаантай байна төдий чинээ аз жаргалыг мэдэрдэг гэсэн дүгнэлтэд Лондонгийн коллежийн эрдэмтэд хүрчээ. Тэдний үзэж байгаагаар IQ түвшин багатай хүмүүс өөрийн амьдралд сэтгэл хангалуун бус байдаг учир тогтмол жижиг албан тушаал хашиж, багахан цалингаар амьдардаг байна. IQ -ийн түвшин 120–129-тэй хүмүүс илүү аз жаргалтай байдаг гэнэ.

ХАРИУ ҮЛДЭЭХ

Сэтгэгдэл оруулна уу!
Энд нэрээ оруулна уу