30 нас хүрэхээсээ өмнө хаях хэрэгтэй 5 зуршил

0
149

Ихэнх эмэгтэйчүүд арьсны гоо сайханд сөргөөр нөлөөлөх таагүй зуршлуудтай байдаг юм. Охид бүсгүйчүүд тухайн зуршлаа арьсанд нь сөргөөр нөлөөлдөг гэдгийг ч мэддэггүй явдаг. Ингээд хэрвээ та толигор сайхан арьстай, мөнхийн залуу мэт гэрэлтэхийг хүсэж байвал дараах 5 зуршлаас 30 нас хүрэхээсээ өмнө салаарай.

1. Нарны хамгаалалтгүй гоо сайхны бүтээгдэхүүн хэрэглэх

Арьсны хөгшрөлт хамгийн түрүүнд нарны хэт ягаан туяаны нөлөөллөөс болж илүү хурдан явагддаг юм. Арьсаа хүүхэд байхаасаа эхлэн нарны хэт ягаан туяанаас хамгаалсан тохиолдолд арьсны хөгшрөлт 80%-иар бага явагддаг гэнэ. Зарим судлаачдын үзэж байгаагаар, нарны хэт ягаан туяа арьсанд нөлөөлдөггүй байсан бол 60 нас хүртэл арьс хөгшрөхгүй байх боломжтой гэжээ.

Тогтмол наранд байдаг хүмүүсийн хувьд коллагены түвшин буурч, арьс торгомсог байх чадвараа алдсанаар үрчлээ үүсдэг. Нарны хэт ягаан туяанаас болж бие организм дахь чөлөөт радикалуудын тоо нэмэгддэг бөгөөд энэ нь арьсыг хөгшрүүлдэг юм. Тиймээс наранд хэтрүүлэн биеэ шарах хэрэггүйгээс гадна өдөр тутам нарны хамгаалалттай тос түрхэж байгаарай.

2. Оройтож унтах

Сайн унтаж амрахгүйгээр эрүүл чийрэг, сайхан харагдана гэдэг хэцүү. Бүтэн өдрийн турш бидний арьс сөрөг факторуудыг даван туулж гарах хэрэгтэй болдог бөгөөд үүнд стресс, нарны хэт ягаан туяа, агаарын бохирдол гэх мэт зүйлс багтдаг. Өдөр бүр дутуу унтаж амрах нь арьсанд сөргөөр нөлөөлдөг. Унтаж байх үед өсөлтийн даавар ихээр ялгардаг бөгөөд энэ нь арьс болон бие организмын нөхөн төлжилтөнд сайнаар нөлөөлдөг байна. Үүнээс гадна мелатонин хэмээх нойрны даавар нь хөгшрөлтийг удаашруулж, антиоксидант үйлчилгээг үзүүлнэ.

Арьс харшлын эмч нарын үзэж байгаагаар шөнийн цагаар өдрийн турш гэмтсэн арьс нөхөн сэргээгддэг юм байна. Шинэ эс үүсэж, хорт бодис гадагшилж, эсийн стресс буурдаг гэнэ. Мөн судас бүдүүрч, цусны эргэлт илүү удаан явагдсанаар эсийг хүчилтөрөгч болон тэжээллэг бодисоор хангаж өгдөг аж. Нүүрний арьс тайвширч, хүчилтөрөгчөөр хангагдана. Харин дутуу унтах нь чөлөөт радикал болон хорт бодисны үйлчилгээг нэмэгдүүлж, арьс нөхөн төлжихөд саад учруулдаг байна. Тиймээс 7-8 цаг унтаж амрах нь их чухал байдаг аж. Дутуу унтсан нойр хэзээ ч нөхөгддөггүй гэдгийг анхаараарай.

3. Хэт их амттан идэх

Эрдэмтдийн хийсэн судалгаанаас харахад элсэн чихрийг хэтрүүлэн хэрэглэх нь эрүүл мэндэд асар их сөрөг нөлөөтэй. Эрүүл мэндэд сөрөг нөлөө үзүүлэхээс гадна арьс, гоо сайханд ч хүртэл сайнаар нөлөөлдөггүй байна. Уургийн гликаци гэдэг нь глюкозыг уургийн чөлөөт амин хэсгүүдтэй нэгдүүлэх процесс бөгөөд энэ нь ферментийн тусламжгүйгээр явагддаг учир хөгшрөлтөнд хүргэдэг аж. Уургийн гликаци явагдах нь арьсны толигор байдлыг үгүй хийж, үрчлээтүүлдэг гэнэ.

4. Нүүрний будагтай унтах

Биднийг унтаж байх үед бие организм маань биеийг хоргүйжүүлэх, арьсыг нөхөн төлжүүлэх, эдгээх процессийг явуулдаг бөгөөд энэ нь мэдээж арьсанд маш чухал. Тиймээс хэрвээ та 100% харагдахыг хүсэж байвал хангалттай сайн унтаж амрах хэрэгтэй. Үүнээс гадна унтахынхаа өмнө нүүрний будгаа сайн арилгаарай. Арьсныхаа хэв шинжинд тохирсон цэвэрлэгч бодисыг сонгох нь зүйтэй. Тослог арьстай бол хөөс болон гелин цэвэрлэгч тохирох бол, хуурай эмзэг арьсанд сүүн шингэн эсвэл мицелляртай ус тохирно.

5. Гуужуулагч ховор ашиглах

Гуужуулагч ашигласны ачаар бид нүүрний үхжсэн арьсыг устгаж чадна. Энэ нь арьсыг толигор болгож, өнгийг нь сэргээх үйлчилгээтэй. Үүнээс гадна тогтмол гуужуулагч хэрэглэх нь арьсыг тайвшруулж, цусны эргэлтийг сайжруулна. Долоо хоногт 1-2 удаа арьсаа гуужуулах нь хамгийн тохиромжтой бөгөөд гол нь өөрийнхөө арьсанд тохирсон гуужуулалтын аргыг сонгоорой.

ХАРИУ ҮЛДЭЭХ

Сэтгэгдэл оруулна уу!
Энд нэрээ оруулна уу