Муухай санагдаж магадгүй ч үнэндээ сайн нөлөөтэй бидний хийдэг 8 нийтлэг зуршил

0
58

Нэг үйлдлээ 21 хоногийн турш давтахад зуршил болж үлддэг гэх боловч практик дээр хэрэгжих нь маш ховор. Харин сүүлийн үеийн судалгаанаас үзэхэд ямар нэгэн шинэ зан үйлийг биедээ зуршил болгон суулгахын тулд дор хаяж 66 хоног шаардагдана гэжээ.

Ямартай ч бидэнд зохисгүй гэж болохоор хэд хэдэн зуршил автоматаар суусан байдаг бөгөөд тэдгээр зүйлс бидний боддог шиг тийм ч ичмээр биш гэдгийг доорх баримтуудаас мэдэж аваарай.

Нулимах

Олон нийтийн газар шүлсээ хаях нь хамгийн зохисгүй үйлдэл. Харин эсрэгээрээ дасгал хийж байхдаа шүлсээ хаях нь амьсгалаа чөлөөтэй авахад тусалдаг учир тийм ч муухай үйлдэлд тооцогдохгүй. Ердийн үед бид хамраараа амьсгалдаг. Энэ нь агаарыг бүлээн, чийгтэй болгон хувиргаж бие махбодод хүчилтөрөгчийг илүү үр дүнтэй шингээх боломж олгодог.

Харин бид дасгал хийж байх үедээ амаараа амьсгалах шаардлагатай болдог бөгөөд шүлс ялгарснаар амьсгалах явц төвөгтэй болдог байна. Тиймээс дасгал хийж байх үедээ шүлсээ заавал хаяж байх хэрэгтэй.

Бохь зажлах

Бохинд ямар ч шим тэжээл байхгүй ч кафеинээс илүү сайн нөлөөтэй болохыг судалгаагаар тогтоосон байна. Бохь зажлах нь анхаарал төвлөрөл болон ой санамжийг сайжруулж, стрессийг бууруулан, даавар тэнцвэржүүлэх зэрэг олон эерэг нөлөөтэй.

Унгах

Унгах нь мөн л зохисгүй үйлдэл мэт боловч хүний бие өдөрт ойролцоогоор 14 удаа, унтах үед ойролцоогоор 3-5 удаа хий ялгаруулдаг. Дүрмийн дагуу хоол идсэнээс зургаан цагийн дараа хоол боловсруулах зам нүүрсхүчлийн хий болон метан ялгаруулж эхэлдэг бөгөөд бие унгах үйлдлээр дамжуулан тэдгээр хийг гадагшлуулж байдаг.

Хэрэв тэрхүү хийг гаргахгүй удвал биед их хэмжээний хортой бодис хуримтлагдах болно.

Хэхрэх

Хүнд хоол идсэний дараа хэхрэх нь ходоод гэдэсний үйл ажиллагаанд нэн тустай. Энэ үедээ хэхрэхгүйгээр хийг гэдсэндээ үлдээснээр ходоодны хүчил нэмэгдэж цээж хорсох мэдрэмж төрдөг. Харин та өдрийн турш хэвийн хэмжээнээс олон удаа хэхрээд эхэлбэл ямар нэгэн өвчний шинж тэмдэг байж болох тул эмчид хандахыг зөвлөж байна.

Хумсаа мэрэх

Хумсаа хазах үед ам руу хумсанд нуугдаж байсан асар олон бактери орж байдаг. Харин энэ үед тэдгээр бактериудтай тэмцэхийн тулд бидний дархлааны систем их хэмжээний цагаан эс ялгаруулж эхэлдэг байна.

Ингэснээр бие махбод тэдгээр нянг санах ойн банкандаа бүртгэж дараагийн удаа нэвтрэх гэж оролдох үед лимфоцитуудад гадны биетийг хурдан таних боломж олгодог байна. Түүнээс гадна зарим судалгаагаар эрхий хуруугаа хөхдөг болон хумсаа мэрдэг хүүхдүүд харшилтай болох магадлал бага байдаг ажээ.

Хамраа ухах, нусаа идэх

Зарим судалгаануудаас үзэхэд энэхүү ичмээр зуршил нь таны дархлааг сайжруулахад тустай байж магадгүй бөгөөд ухархайн бактериудтай тэмцэх боломж олгодог байна. Энэ зуршил нь хумсаа мэрэхтэй адил биеийн дархлааны эсүүдийг тоог нэмэгдүүлж эсэргүүцэх чадварыг сайжруулдаг.

Шүршүүрт орж байхдаа шээх

Энэхүү зохисгүй үйлдлээ хүмүүст хэлэхэд ичмээр боловч судлаачид хүмүүсийн 75 хувь нь амьдралдаа дор хаяж нэг удаа шүршүүрт шээж байсныг тогтоожээ. Үнэндээ энэ үйлдэлд ичих зүйл юу ч байхгүй бөгөөд эсрэгээрээ шээсний хүчил буюу аммиак нь хөлийн хуруунд мөөгөнцрийн халдвар үүсэхээс урьдчилан сэргийлдэг байна. Мөн шүршүүрт орж байхдаа шээх нь ариун цэврийн цаас ч хэмнэнэ шүү дээ.

Шүршүүрт орохгүй байх

Өдөр бүр шүршүүрт орвол арьс болон үсийг чийгшүүлж, хамгаалж байдаг байгалийн тосыг арилгах сөрөг талтай. Тэр ч байтугай савандахгүйгээр дан халуун усаар угаахад хүртэл арьсыг гэрэлтсэн, уян хатан болгож байдаг зарим нэг ашигтай бактерийг устгаж байдаг байна. Тиймээс долоо хоногт 1 юм уу 2 удаа усанд орох нь эрүүл байх бас нэгэн чухал хүчин зүйл болдог.

ХАРИУ ҮЛДЭЭХ

Сэтгэгдэл оруулна уу!
Энд нэрээ оруулна уу